Santefarm SH.P.K. financon deri në gjashtë (6) bursa, secila në vlerë prej 100.00 (njëqind) euro në muaj për një vit akademik, për studentët e Degës së Farmacisë të Fakultetit të Mjekësisë të Universitetit të Prishtinës "Hasan Prishtina". Afati i aplikimit 1. Aplikimi përmes SEMS dhe është i hapur prej prej datës 17.09.2024 deri me datë 23.09.2024, në orën 16:00. 2. Ditën e parë të konkursit, me datë 17.09.2024, aplikimi elektronik do të funksionalizohet nga ora 11:00.

Ju njoftojmë se afati për regjistrimin e semestrit dimëror të vitit akademik 2024/25, për studentët e të gjitha niveleve të studimit, do të jetë i hapur në Sistemin Elektronik për Menaxhimin e Studentëve (SEMS) prej datës 13.9.2024 deri më 30.9.2024.

Qendra për Energji dhe Qëndrueshmëri e Universitetit të Prishtinës (QEQ) ju fton të bashkoheni në programet më aktuale dhe më inovative ndërdisiplinore në Universitetin e Prishtinës – programet certifikuese të QEQ: 1. Energjia e Ripërtëritshme dhe Qëndrueshmëria 2. Menaxhimi i Energjisë dhe i Mjedisit Studio disa nga sfidat më aktuale në botë – ndryshimet klimatike, qëndrueshmërinë energjetike, mbrojtjen e mjedisit, menaxhimin e energjisë në komunitet dhe më shumë – me profesorë kryesorë nga Universiteti i Prishtinës dhe nga jashtë. Programet do të ofrojnë kurse të fokusuara nga shumë Fakultete. Të diplomuarit e programeve do të marrin certifikatë universitare krahas diplomës së tyre bachelor apo master. Të drejtë aplikimi kanë studentët nga të gjitha Fakultetet e Universitetit të Prishtinës të cilët kanë të regjistruar së paku semestrin e dytë të studimeve bachelor si dhe të gjithë studentët e tjerë. Procedura e aplikimit realizohet përmes: https://studenti.uni-pr.edu/ ose https://sems.uni-pr.edu/

Njoftim, Ju njoftojmë se me rastin e shpalljes së konkursit për bursat Universitare për vitin akademik 2023/2024, për studentët e doktoratës që i plotësojnë kushtet e aplikimit duhet të aplikojnë përmes SEMS-it, duke bërë plotësimin e fletëparaqitjes në formë elektronike. Pastaj, fletëparaqitjen me të dhëna të plotësuara duhet të dorëzojnë tek Zyra e Shërbimit i Studentëve në Njësinë Akademike. AFATI PËR APLIKIM: Nga data 24.05.2024 deri më 07.06.204, ora: 16.00.

Ju njoftojmë se me rastin e shpalljes së konkursit për bursat Universitare për vitin akademik 2023/2024, për studentët e studimeve master që i plotësojnë kushtet e aplikimit duhet të aplikojnë përmes SEMS-it, duke bërë plotësimin e fletëparaqitjes në formë elektronike. Pastaj, fletëparaqitjen me të dhëna të plotësuara duhet të dorëzojnë tek Zyra e Shërbimit i Studentëve në Njësinë Akademike. AFATI PËR APLIKIM: Nga data 24.05.2024 deri më 07.06.204, ora: 16.00.